Gjithçka është gati për finalen e madhe të Kupës së Botës 2026, ku Spanja dhe Argjentina do të përballen sonte nga ora 21:00 në stadiumin MetLife në New Jersey.
Pak minuta para fillimit të sfidës janë publikuar edhe formacionet zyrtare. Përzgjedhësi i Spanjës, Luis de la Fuente, ka vendosur të lërë në stol mesfushorin Pedri, duke i besuar vendin Álex Baena, ndërsa Argjentina e Lionel Scalonit ka zgjedhur një mesfushë më të ngjeshur me katër lojtarë.
Spanja mbërrin në finale pas një ecurie mbresëlënëse, me vetëm një gol të pësuar gjatë gjithë turneut dhe gjashtë ndeshje pa pësuar gol. Në anën tjetër, Argjentina synon të mbrojë titullin botëror dhe të fitojë Kupën e Botës për herë të dytë radhazi.
Formacionet zyrtare
Spanja (4-2-3-1):
Unai Simón; Pedro Porro, Pau Cubarsí, Aymeric Laporte, Marc Cucurella; Rodri, Fabián Ruiz; Álex Baena, Dani Olmo, Lamine Yamal; Mikel Oyarzabal.
Trajner: Luis de la Fuente.
Argjentina (4-4-2):
Emiliano “Dibu” Martínez; Nahuel Molina, Cristian Romero, Lisandro Martínez, Nicolás Tagliafico; Rodrigo De Paul, Enzo Fernández, Alexis Mac Allister, Nicolás González; Julián Álvarez, Lionel Messi.
Trajner: Lionel Scaloni.
Finalja pritet të dhurojë spektakël mes kampiones së Evropës dhe kampiones në fuqi të botës, në një duel që do të përcaktojë fituesen e Kupës së Botës 2026.
