Presidentja e Republikës së Kosovës, Justina Shiroka-Pula, ka pritur sot në takim Kryeministrin Albin Kurti, me të cilin ka diskutuar për bashkëpunimin ndërmjet institucioneve të vendit.
Gjatë takimit, Presidentja Shiroka-Pula shprehu gatishmërinë për një bashkëpunim të ngushtë dhe bashkërendim institucional, me synim përmbushjen e përgjegjësive kushtetuese dhe shërbimin ndaj qytetarëve e interesave të Republikës së Kosovës.
Kryeministri Kurti e falënderoi Presidenten për gatishmërinë për të marrë përgjegjësinë e re dhe i uroi sukses në detyrë.
Ai shprehu gjithashtu përkushtimin e tij për bashkëpunim me Presidenten Shiroka-Pula në përmbushjen e detyrave kushtetuese dhe trajtimin e çështjeve me rëndësi për vendin.
